Mae Cyngor Ymarfer Cymru (CYC) yn sefydliad newydd a sefydlwyd yn 2005 er mwyn chwarae rôl yn y broses o ddod â'r prif chwaraewyr sydd wrthi'n datblygu'r sector Iechyd a Ffitrwydd yng Nghymru at ei gilydd. Ei fwriad yw sicrhau bod yr isadeiledd perthnasol yn ei le ar gyfer ehangu'r gweithlu ymarfer a ffitrwydd er mwyn cefnogi strategaeth Dringo'n Uwch Llywodraeth Cynulliad Cymru. Mae CYC wrthi'n ymgynghori gyda chyflogwyr a gweithwyr ac yn cynghori, cynorthwyo a hyrwyddo materion megis hyfforddiant, datblygu gyrfa ac arfer orau o fewn y Sector Iechyd a Ffitrwydd.